សកម្មភាពមនុស្សធម៌ដូចភ្លៀងរលឹមរបស់កាកបាទក្រហមកម្ពុជា នៅថ្ងៃទី២៥និង២៦ ខែកុម្ភៈ កាកបាទក្រហមកម្ពុជា ដឹកនាំដោយលោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និង លោកជំទាវ ជ័យ ណារី អ៊ុំរាត្រី និងសហការី បានបន្តចុះសួរសុខទុក្ខដល់ខ្នងផ្ទះរបស់ប្រជាពលរដ្ឋងាយរងគ្រោះបំផុតចំនួន ៣២គ្រួសារ រស់នៅក្នុងភូមិចំនួន៧ សង្កាត់ចំនួន៣ ក្រុងសិរីសោភ័ណ ខេត្តបន្ទាយមានជ័យ។

អំណោយផ្តល់ជូនគ្រួសារខាងលើនេះ រួមមាន អង្ករ២៥គីឡូក្រាម, មី១កេស, ត្រីខ១០កំប៉ុង, ទឹកស៊ីអ៊ីវ ១យួរ, ឃីត (មុង ភួយ សារុង ក្រមា) ១កញ្ចប់ និងថវិកាមួយចំនួន៕